Azərbaycanda Dövlət Gömrük Komitəsi ləğv edilir - 2019-cu ildən prossesə start veriləcək
Hələ son prezident seçkilərinə qədər belə bir informasiya yayılmışdı ki, Dövlət Gömrük Komitəsi ləğv edilərək Vergilər Nazirliyinin tabeçiliyən verilir. Lakin sonradan bu məsələnin üzərində dayanılmadı və sadəcə olaraq DGK-da kadr dəyişiklikləri həyata keçirildi, nəticədə Səfər Mehdiyev Aydın Əliyevi əvəzlədi. Bununla yanaşı Vergilər Nazirliyində idxal-ixrac prosesinə nəzarət edən simvolik bir qurum da yaradıldı.
DİA.AZ-a daxil olan son məlumatlardan isə aydın olur ki, həqiqətən də sözügedən qurumun simvolik xarakter daşıması, eyni zamanda, ələlxüsus da gömrükdə elə bir ciddi nailiyyətlərin müşahidə olunmaması hökumətin yenidən əvvəlki ideya üzərinə qayıtmasına nədən olub.
Mənbənin dia.az-a söylədikləri: "Bu dəfə də DGK-nin bir dövlət komitəsi olaraq ləğvi müzakirə olunur. Bunun ardından isə DGK tamamən Vergilər Nazirliyinə tabe etdirilir. Səfər Mehdiyevin vəzifəsi qorunsa da göpmrük sistemində kütləvi ixtisarlar həyata keçirilir. İlkin təklif belədir".
Mənbə onu da əlavə etdi ki, yaxın günlərdə bu məsələ rəsmi qaydada müzakirə olunacaq. Əlavə bilgilərimiz olacaq. Bizi izləməkdə davam edin...
