Diaspora rəhbərini gömrükdə necə şərlədilər... - "Boynuna al, sənə kömək edək..."

Diaspora rəhbərini gömrükdə necə şərlədilər... -

Gömrük işçilərinin ayıq-sayıqlığı nəticəsində 6 aydır həbsdə olan diaspora sədrinin müavininin başına gələnlər

Lənkəranda anadan olub, sonradan Dağıstana köçən Rauf Azizov Rusiya vətəndaşıdır. O, Mahaçqala şəhərində “Azərbaycanlıların Mahaçkala şəhərində yerli milli-mədəni muxtariyyəti” cəmiyyətinin 5 ildən çoxdur ki, sədr müavinidir.

Yenicag.az Rauf Əzizovun başına gələnlərin təfərrütını sizə təqdim edir.

Diaspora rəhbərini gömrükdə necə şərlədilər... -


10 dekabr 2018-ci il tarixində Rauf Əzizov nənəsinin rəhmətə getdiyi xəbərini alır. Bu xəbəri eşidən Əzizov dostu Əliyev Tahir Yaşar oğlu və atasının yaxın dostu Həbiblə birlikdə yola çıxır. Onlar həmin gün saat 23:00, 23:30 radələrində Şimal Ərazi Baş Gömrük idarəsinin “Samur” Gömrük Postundan Azərbaycan ərazisinə daxil olurlar.

Rauf Əzizov ifadəsində bildirib ki, onun maşınından əvvəl iki maşın olduğu və gömrük işçisinin isə yoxlama aparmadığını gördükdə, onlara nənəsinin dəfninə çatmalı olduğunu deyib və yoxlama prosesini tezləşdirməyi xahiş edib. Bu zaman gömrük işçisi yaxınlaşıb və avtomobilə baxış keçirməli olduğunu deyib. Gömrük qaydalarına uyğun olaraq, sərnişinlər maşından düşərək, piyada keçidi ilə Azərbaycan ərazisinə daxil olublar.

Gömrük əməkdaşı öncə sürücü qapısını açmağı və maşına baxışın buradan başlayacağını deyib. Rauf Azizov gömrükçünün dediyinə əməl edib. 5-10 saniyə ön tərəfə baxdıqdan sonra, gömrük işçisi arxa oturacağa baxa-baxa yük yerinin qapısını açmağı tələb edib. Rauf Azizov baqajın qapısını açıb və gömrük işçisinin yanına gəldikdə, gömrük işçisi əlində salafan klokda patronları ona göstərək bunların nə olduğunu soruşub. Gördüyünə inanmayan Rauf Azizov “əlindəki nədirsə, sənindir, onların nə olduğundan xəbərsizəm”, deyə ona cavab verib. Gömrük işçisi bildirib ki, patronları ön oturacaqla arxa oturacaq arasındakı dirsəkaltı sahəsindəki saxlanc yerindən tapıb. Gömrük əməkdaşı patronları tapdığı yerə qoyub və digər gömrük əməkdaşlarını oraya dəvət edib.

Digər əməkdaşlar gəldikdən sonra isə patronları götürüb aparıblar. Daha sonra Rauf Azizovu içəri dəvət ediblər. Rauf Azizov ifadəsində bildirib ki, o, otağa girdikdə gömrük əməkdaşlarının patronları saydığını görüb. Bu zaman Rauf Azizov onlara etiraz edərək, patronlarda əl izlərinin yoxlanmasını tələb edib. Bu zaman gömrük əməkdaşları bunun gec olduğunu, artıq özlərinin patronlara toxunduqlarını deyiblər. Daha sonra Rauf Azizovun üzərində və maşında təkrar yoxlama aparılıb və heç nə aşkar edilməyib.

Rauf Əzizov bildirib ki, daha sonra gömrük postundakı növbə rəisi ona yaxınlaşaraq “yaz ki, patronlar mənimdir, biz də sənin işini yüngülləşdirək”. Gömrük postunun növbə rəisinin bu təklifi Rauf Azizovu qəzəbləndirib və o, gömrük işçilərinə “siz ermənisiniz?” sualı verib. Onudan avtomaşınında oturub, gözləməyi tələb ediblər. Daha sonra Gömrük postunun rəisi gəlib və Rauf Əzizovun avtomobilinin yanında dayanıb. Bu zaman Rauf Əzizov maşınından düşərək ona yaxınlaşıb. Gömrüyün rəisi də ona eynən nöbə rəisinin təklifini edib: “”yaz ki, patronlar mənimdir, biz də sənin işini yüngülləşdirək”.

Rauf Əzizov isə patronların ona məxsus olmadığını dedikdə, gömrüyün rəisi növbə rəisinə üzünü tutaraq “Kontrabandanın əməliyyatçılarını çağırın, onda tez boynuna alar, onlar onun boynuna tez qoyar!”. Bu zaman Rauf Əzizov “mənim dərimi də soysanız mənə məxsus olmayan şeyi boynuma qoya bilməzsiniz”, deyə rəisə cavab verib. Bundan sonra Rauf Əzizovu taksi ilə Xaçmaz Gömrük İdarəsinə gətiriblər. Xaçmaz Gömrük İdarəsində ondan patronları maşınına kimin qoyduğundan şübhələndiyini soruşublar. Rauf Əzizov isə bildirib ki, patronları onun maşınına baxış keçirən gömrük əməkdaşının qoyduğundan şübhələnir.

Maraqlıdır ki, maşında görünən bir yerdən çtapılan patronlar Rusiya sərhədçiləri, gömrükçüləri tərəfindən aşkar edilməyib. Elə bu faktın özü onu deməyə əsas verir ki, Rauf Əzizov qəsdən şərlənib. Rauf Əzizovun ailəsini də maraqlandıran şərlənmənin kim tərədindən edilməsidir.

Xaçmaz Gömrük İdarəsində də izahat alan zaman Rauf Əzizova “boynuna al, sənə kömək edək! Göstər ki, Mahçqala kriminal yerdir, orada silah, patron tapmaq asandır, mən də patronları küçədən tapmışam və polisə təhvil vermək yadımdan çıxıb”, – deyə təkilfi ediblər. O, isə cavabında bildirib ki, heç vaxt özü-özünü şərləməyəcək.

Daha bir maraqlı məqam isə sorğu-sualdan sonra Rauf Əzizovu Xaçmazdakı otellərdən birində qalmağa göndəriblər. Əgər bir şəxs ölkəyə patron keçirirsə və tutulubsa, onu oteldə gecələməyə göndərmək nə deməkdir? Yəqin, gömrükçülər düşünüb ki, Rauf Əzizov oteldən qaçar və bu onlar üçün göydəndüşmə bir şey olar.

Səhərisi gün Rauf Əzizovu Azərbaycan Respublikası Dövlət Gömrük Komitəsinə məxsus FİAT “Doblo” markalı maşınla oteldən götürüb Bakı şəhərində yerləşən Azərbaycan Respublikası Dövlət Gömrük Komitəsinin İstintaq İdarəsinə gətiriblər. Orada axşam iş saatı bitənə qədər kafedə gözlədilən Rauf Əzizova gömrük əməkdaşı zəng edərək, ilk çağırışda gəlməli olduğunu deyib və onu evə buraxıb. Səhərisi gün isə ona zəng edərək 12 dekabr 2018-ci il saat 15:00-da İstintaq İdarəsində olmağı deyiblər. Orada müstəntiq Rüstəm Həsənov Rauf Əzizovu 3-4 saat sorğu-suala tutduqdan sonra, şübhəli şəxs kimi tutub və həbsinə sanksiya verib.

Qeyd edək ki, Rusiya gömrük sərhədində avtomobillərə baxış çoxsaylı videomüşahidə kameraları altında, maşının qapıları və şüşələri aşağı salınmış vəziyyətdə və sürücünün birbaşa iştirakı ilə aparılır. Maraqlıdır ki, Rauf Əzizovun maşınına baxış zamanı heç bir videomaşahidə kameraları olmayıb, özü baqajı açan zaman gömrük əməkdaşı arxa oturacaqdan patron aşkar edib.

Ölkəyə patron keçirməkdə ittiham olunan Rauf Əzizovun tələblərinə rəğmən hələ də onun maşınına baxış zamanı videomüşahidələr ona və vəkilinə təqdim edilməyib.

Bu işdə maraqlı olan digər məsələlərə toxunmaq istərdik. Rauf Əzizovun maşınında sursat aşkar edilir, ancaq bunu sübut edəcək müşahidə kameralarının çəkilişi cinayət işinə əlavə edilmək üçün istintaqa təqdim edilmir. Bundan əlavə aşkar edilən sursatlar baqlistik ekspertiza edilmədən qablaşdırılıb və maşında olan 3 nəfərin barmaq izləri götürülməyib. Gömrük işçilərinin “maddi sübutların götürülmə və qablaşdırma qaydalarını” niyə pozduğu isə ümumiyyətlə anlaşılan deyil.

Diaspora rəhbərini gömrükdə necə şərlədilər... -

Daha bir maraqlı məqam isə avtomobildən sursat aşkar edilməsinə baxmayaraq Rusiya Federasiyası gömrük orqanlarına və sərhəd xidmətinə niyə görə sərhəddən sursat buraxdıqları barədə sorğu göndərilməyib.

Əgər maşından sursat aşkar edildiyi həqiqəti əks etdirirdisə, niyə görə, şəxsin Mahaçqalada yaşadığı ünvanında təxirəsalınmaz istintaq hərəkətlərinin – o cümlədən axtarış aparılması barədə Mahçaqala polis orqanına müvafiq beynəlxalq əməliyyat-istintaq tapşırığı göndərilməyib?

Dünən isə, Rauf Əzizovun Qusar rayonunda keçirilən məhkəmə prosesində iştirak etdik. Şahidlər gəlmədiyi üçün məhkəmə təxirə salındı.

Yeri gəlmişkən hal şahidlərindən biri Muradov Natiq ötən məhkəmədə etiraf edib ki, ayda 2-3 dəfə gömrük əməkdaşları tərəfindən baxışlarda iştirak üçün hal şahidi qismində cəlb edilir. Bu isə qanuna tamamilə ziddir.

Növbəti məhkəmə prosesində baş verənlərlə bağlı sizi məlumatlandıracağıq.



Twitter Facebook Myspace Stumbleupon Technorati blogger google
450 dəfə oxundu
 



XƏBƏR LENTİ
Loading...