Şəhidə hörmətsizlik edən icra başçısı təşviş içində - Bir-birini təkzib edən açıqlamalar

Oğuz rayon Şəhidlər Xiyabanında şəhidlərin məzarı üzərindən əklillərin zibilliyə atılmasıyla bağlı yaranmış qalmaqal böyüyür.
İcra Hakimiyyətinin günlərdir apardığı araşdırma “nəticə” verib.


İcra Hakimiyyətindən saytımıza bildirilib ki, guya, Şəhidlər Xiyabanında təmir işləri getdiyi üçün başçı müavini Etibar Yusifov kommunal xidmət işçilərinə əklilləri götürüb məktəbə yerləşdirməyi tapşırıb:

“Kommunal xidmət işçiləri isə həmin əklilləri açıq bir sahəyə yığıblar. Həmin vaxt külək olduğu üçün əklil və bayraqlar ətrafa dağılıb”.

Maraqlıdır, əgər bunun dəqiq cavabı var idisə, günlərdir, nəyin araşdırması aparılırdı? Belə çıxır ki, günah küləkdə imiş.
Şəhidə hörmətsizlik edən icra başçısı təşviş içində -

Halbuki şəhid valideynləri şəhidlərin məzarı üzərindən təzə-tər əklillərin və bayraqların götürülərək, zibilliyə atılmasının səbəbini İcra Hakimiyyətindən öyrənməyə çalışanda Etibar Yusifov onlara “əcəb etmişik” cavabını vermişdi.
Oğuz İH bu gün daha bir açıqlama ilə məsələdən yayınmaq istəyib.

İcra başçısının digər müavini Yusif Naxçıvanskinin verdiyi məlumata görə, ötən gün rayonda möhtəşəm tədbir keçirilib və şəhid ailələrindən əklil məsələsinə görə üzr istənib.

Bakupost.az -ın şəhid ailələrindən əldə etdiyi məlumata görə isə ötən gün İcra Hakimiyyəti Anım Günü tədbiri keçirsə də, şəhidlərə qarşı hörmətsizliyə görə heç bir şəhid valideynindən üzr istənilməyib və ümumiyyətlə, bu məsələ ilə bağlı heç bir məlumat verilməyib.

Digər bir məlumata görə, Prezidentin yaxın zamanda Oğuza səfəri gözlənildiyindən İcra Hakimiyyəti təşvişə düşüb. İcra başçısı rayonda baş verən bu biabırçı hadisənin Prezidentə çatdırılmasından narahatdır.

Buna görə də, hazırda İH-da siyahı hazırlanır və Prezidentlə görüş üçün dəvət ediləcək şəhid ailələri müəyyənləşdirilir. Bu siyahıya isə üzərindən əklillər və bayraqlar götüzdürülən şəhidlərin valideynləri salınmayıb.



Twitter Facebook Myspace Stumbleupon Technorati blogger google
321 dəfə oxundu
 



XƏBƏR LENTİ
Loading...