Daha bir baş redaktor həbs olundu - İşdə məşhur vəkilin adı hallanır
Bakupost.az xəbər verir ki, bu barədə məlumatı jurnalist Anar Məmmədov yayıb. O bildirib ki, Z.Abbasova qarşı Cinayət Məcəlləsinin 178.3.2 (külli miqdarda dələduzluq etmə) maddəsi ilə ittiham irəli sürülüb:
“Zərdqbi Abbasov Qarabağ qazisi Şirin Abbasovun şikayəti əsasında həbs edilib. Sözügedən cinayət işində vəkil Adəm Məmmədovun da adı keçirdi.
Şirin Abbasov bir müddət əvvəl Binəqədi rayon Polis İdarəsinə şikayət etmişdi ki, oğlu Lətif Abbasov bir neçə il əvvəl yol qəzası törədib, nəticədə bir nəfər həlak olub. Həmin işdə Adəm Məmmədovu vəkil tutublar:
Fotoda Adəm Məmmədov
“Bizi əmin elədi ki, bu işi həll eləyəcək, hakimlər də, prokurorlar da ona hörmət eləyir. Bizim də olanımız-qalanımız bir evimiz vardı, o evi də möhtərəm prezidentimiz vermişdi, evimizi satdıq. Əvvəl 30 min verdik, sonra 28 min 500, sonra da 25 min. Ümumilikdə bizdən 83 min 500 manat pul aldı. Bəzən özünə vermişik, bəzən də Zərdabi Abbasov vasitəsilə göndərmişik”.
Binəqədi Rayon Məhkəməsində oğlunun 4 il 9 ay azadlıqdan məhrum edilməsi barədə hökm çıxarılıb. Bakı Apellyasiya Məhkəməsi onun cəzasını daha da ağırlaşdıraraq, 5 il 6 ay edib. Ş.Abbasov mətbuata müsahibəsində deyib ki, bundan sonra Adəm Məmmədov barəsində Vəkillər Kollegiyasına, 5-ci polis bölməsinə ərizə yazıb. Şikayətlərdən sonra 30 min qaytarılsa da, 53 min manat qaytarılmayıb.
Şirin Abbasov avqust ayında Baş Prokuror Kamran Əliyevin vətəndaşlarla görüşü zamanı onun qəbulunda olub, şikayətini ona çatdırıb. Onun sözlərinə görə, Baş Prokuror onu dinlədikdən sonra bu məsələni nəzarətinə götürdüyünü bildirib.
Onu da əlavə edək ki, Binəqədi RPİ-də eyni cinayət işi üzrə vəkil Adəm Məmmədov Ş.Abbasov və onun oğlu ilə üzləşdirilib”.
