“Kurtlar Vadisi” serialının davamı Azərbaycanda göstərilməyəcək
Türk televiziya tarixinin ən uzun seriallarından olan “Kurtlar Vadisi Pusu”nun yeni mövsümdə yayımlanacağı kanal bəlli olub. “Qafqazinfo” xəbər verir ki, ekran işi yenə də “Kanal D” ekranlarında tamaşaçısı ilə görüşəcək. Baş rollarında Necati Şaşmaz, Defne Samyeli, Cahit Kayaoğlu, Erhan Ufak kimi aktyorların iştirak etdiyi serial sentyabr ayının ortalarında yayımlanmağa başlayacaq.
Xatırladaq ki, artıq uzun müddətdir, Azərbaycanın bütün kabel televiziya operatorları “Kanal D”nin ölkə ərazisində yayımını dayandırıb. Bu kanalı yalnız peyk antenası vasitəsilə izləmək mümkündür.
