Azərbaycanda bir ildə 11 mindən çox insan xərçəngə yoluxub

Azərbaycanda bir ildə 11 mindən çox insan xərçəngə yoluxub

Ötən il Azərbaycanda bədxassəli yenitörəmə diaqnozu ilk dəfə qoyulmuş xəstələrin sayı 11192 nəfər olub.

Dövlət Statistika Komitəsindən AzVision.az-a verilən məlumata görə, müalicə-profilaktika müəssisələrində qeydiyyatda olan xəstələrin sayı isə 45756 nəfərdir.

Ötən il ilk dəfə bədxassəli şiş diaqnozu qoyulan xəstlərdən 5415 kişi, 5777 qadındır. 0-13 yaş aralığında 99 nəfərə, 14-17 yaş aralığında 31 nəfərə, 18-29 yaş aralığında 279 nəfərə, 30-34 yaş aralığında 250 nəfərə, 35-39 yaş aralığında 380 nəfərə, 40-59 yaş aralığında 5 121 nəfərə, 60 və daha yuxarı yaşda isə 5 032 nəfərə ilk dəfə bu xəstəliyin diaqnozu qoyulub.

Xəstələr arasında ən çox süd vəzisinin (1 967), traxeya, bronx, ağciyərin (1 304) , mədənin (1 235), qida borusunun (469) bədxassəli şişinə rast gəlinir.

Qeyd edək ki, 2016-ci ildə 10 807 nəfərə, 2015-ci ildə isə 10 183 nəfərə ilk bədxassəli şiş dianqozu qoyulub.



Twitter Facebook Myspace Stumbleupon Technorati blogger google
616 dəfə oxundu
 



XƏBƏR LENTİ
Loading...