"AtaBank"ın filial müdiri məcburi köçkünün başına oyun açır... - ŞİKAYƏT VAR
Ağdam rayonundan olan məcburi kökçün, hazırda Bakı şəhəri, Nəsimi rayonu, 2-ci mk-r.n, Moskva prospekti, ev 70, mən.28-də müvəqqəti kirayədə yaşayan zərərçəkmiş, Cəfərzadə İfadə İsgəndər qızı prezident İlham Əliyevə və bir sıra dövlət qurumlarının rəhbərlərinə şikayət ərizəsi ünvanlayıb. Bir nüsxəsi də DİA.AZ-a daxil olan müraciətdə deyilir:
"Mən, 01 fevral 1965-ci ildə Ağdam rayonun işğal altında olan Boyəhmədli kəndində anadan olmuşam, Ağdam rayonunun Qasımlı Ə/NPoladlı kəndində qeydiyyatdayam.
Hazırdab barəsində Nərimanov RPİ-də CM-nin 178.3.2 maddəsi üzrə cinayət istintaqı davam edən əskərov Nazim Mahmud oğlu Binəqədi rayonu, sulutəpə qəsəbəsində yerləşən və 5 sot torpağın üstündə tikilmiş 2 mərtəbəli mülkümü mənim razılığım və icazəm olmadan 08 noyabr 2013-cü ildə “Atabank” ASC-nin Xəzər filialınına illik 20 faiz olmaqla 48 ay müddətinə girov qoyulmuş evimin əvəzinə 95000 manat pul götürərək mənimsəmişlər.
Bu arada, yəni, 2015-ci ilin fevralında N.Əskərovun bank qarşısında öhdəlik götürdüyü pulun ödənmədiyini görən “Atabank” ASC-nin Xəzər filialının müdiri əvvəlcədən Nazim-Famil dəstəsilə gizli sövdələşdiyi kimi, ödənişin aparılmadığı 13-cü ayın başında məni və kredit alan Nazim Əskərovu Binəqədəi rayon məhkəməsinə iddia ərizəsi verərək əsas və faiz borclarının ödənilməsi üçün tutmanın ipoteka predmetinə yönəldilməsini tələb etmişdir. İddia 15 sentyabr 2015-ci il tarixli qətnamə əsasında təmin edilmiş və 2016-cı ildən icraata yönəlmişdir. Mənə məxsus mülkün Ata bank tərəfindən açıq hərracda öz nümayəndəsinə formal sataraq borcun tam ödənilməsi üzrə icra işlərinə başlanılmışdır.
Yəni, Bank müdiri ilə N.Əskərov arasında olan sövdələşməyə əsasən 48 ay müddətinə verilmiş 95000 manat pulun bank müdiri tərəfindən 13 aydan sonra geri tələb edilməsi üçün əvvəlcədən planlaşdırılan plan üzrə real bazar dəyəri 400000 manat olan əmlakımın ələ keçirilmə məqsədi daşımışdır. Yoxsa ki, borcun qaytarılma müddəti 2017-ci ilin noyabrın 15-dək təyin olunmasına baxmayaraq bank müdiri niyə tezbazar əl-ayağa düşməsini anlamaq çətindir. Bəlkə Kreditoru götürən və milyonlarla ölçülən varidata sahib olan Nazim Əskərov özünün də dediyi kimi borcu tam bağlamaq istədi. O zaman 4 illliyə verilmiş krediti 2 il vaxt keçməmiş dərhal ödənilməsini məhkəmə qaydasında tələb etməyin anlamı nə idi? Budur, bu azmış kimi bank müdiri yenə də hazırda bu iş üçün CM-nin 178.3.2 maddəsi üzrə 6 ay davam edən istintaqın başa çatdığı anda öz dələduz dostunu xilas etmək və mənə təzyiq göstərmək üçün dərhal Binəqədi İcra şöbəsinin icra məmuru Tural Süleymanovla gizli əlaqəyə girərək həm banka girov qoyulmuş çıxarışı olan və 5 sot torpağın üzərində tikilmiş mülküm içindəki əşyaları, həm də girov predmeti olan sərhəddə yerləşən və yenə də 5 sot torpaq üzərində tikilmiş yardımçı təsərrüfat kimi olan anbarlarımdakı şəxsi əşya və digər çoxsaylı əşyalarımı qarət etmiş, bəzilərini isə saxlanc yerinə yığaraq təcili boşaltmışlar. Axı icra məmuruna kim səlahiyyət verir ki, məhkəmə predmeti olmayan digər 5 sot zonada tikilmiş obyektlərə də qanunsuz müdaxilə edərək icra adı altında qarət və talanla məşğul olursan? İcra məmuru “Atabank” müdirindən nə qədər rüşvət alıb ki, belə bir korrupsiyailə məşğul olur?
Çoxhörmətli cənab Prezident! Dələduz dəstənin rəhbəri N.Əskərov barəsində 03 dekabr 2015-ci ildən CM-nin 178.3.2 maddəsi üzrə cinayət işi başlasa da o sərbəst surətdə hazırda Gədəbəy rayonunda su sexi biznesini genişləndirməklə məşğuldur.Və hazırda “Atabank” qarşısında götürdüyü öhdəliyi yerinə yetirmək əvəzinə bank müdirilə gizli sövdələməyə gedərək mənə maddi və mənəvi zərbə vurmaq üçün arxasında dayanan MSK üzvü, Ədliyyə Nazirliyinin məmuru Fuad Cavadovun dəstəyilə bu dəfə icra məmuru T.Süleymanov vasitəsilə quldurluq edib məhkəmə predmetinə daxil olmayan əmlakımı talatdırmaq və yağmalamaqla məşğuldur
Sizdən artıq dərəcədə xahiş edirəm, ƏN-nin Məhkəmə Ekspertiza Mərkəzinin müdiri Fuad Cavadovun göstərişilə qohumu dələduz N.Əskərovu məsuliyyətdən azad etmək üçün Binəqədi icra məmuru T.Süleymanovun və “Atabank” ASC-nin Xəzər rayon filial müdirinin qanunazidd əməllərinə hüquqi qiymətin verilməsi üçün göstəriş verəsiniz".
Dia.az olaraq bütün maraqlı tərəfləri dinləməyə hazırıq...
