Bakıda ata onu baltalayan qızını bağışladı

Bakıda ata onu baltalayan qızını bağışladı

Bakı Ağır Cinayətlər Məhkəməsində atasını öldürməyə cəhd etməkdə təqsirləndirilən Aliyə Həbibovanın cinayət işi üzrə məhkəmə istintaqı başlayıb.

Proses hakim Rahib Salmanovun sədrliyi ilə keçirilib. Təqsirləndirilən şəxs ifadəsindıə bildirib ki, hadisə zamanı atası Cəmşid Salxakin onu boğub: "Mən də özümü müdafiə etmək istəyirdim. Buna görə də atamı vurdum”. Daha sonra zərərçəkmiş C.Salxakin dindirilib.

O, qızını bağışladığını və ondan şikayətçi olmadığını deyib. Məhkəmənin növbəti iclası oktyabrın 25-nə təyin edilib. Cinayət hadisəsi ötən il noyabrın 4-də Binəqədi rayonu, 8-ci mikrorayon, Cəfər Xəndan küçəsində baş verib. Həmin ünvanda ailə münaqişəsi zamanı A.Həbibova atası, 1956-cı il təvəllüdlü Cəmşid Salxakinin başından balta ilə vurub. C.Salxakin kəsilmiş-çapılmış xəsarətlərlə xəstəxanaya çatdırılıb.

Ona vaxtında tibbi yardım göstərildiyi üçün həyatını xilas etmək mümkün olub. Daha sonra A.Həbibova Binəqədi Rayon Polis İdarəsinin əməkdaşları tərəfindən saxlanılıb.

İstintaq orqanı tərəfindən onun barəsində Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə ittiham elan edilib. Məhkəmənin qərarı ilə A.Həbibova barəsində polis nəzarəti qətimkan tədbiri seçilib.

///Bizimyol.info



Twitter Facebook Myspace Stumbleupon Technorati blogger google
552 dəfə oxundu
 



XƏBƏR LENTİ
Loading...