Tərtərlilərin dövlət bayrağına olan sevgisi möhtəşəm yürüş - FOTOLAR

Tərtərlilərin dövlət bayrağına olan sevgisi

Tərtərlilər dövlət bayrağına olan sevgi və ehtiramlarını möhtəşəm yürüşlə ifadə ediblər
9 noyabr - Dövlət Bayrağı Günü cəbhə bölgəsində yerləşən Tərtər rayonunda bayram əhval-ruhiyyəsi ilə qeyd edilib. Tərtərlilər dövlət bayrağına olan sevgi və ehtiramlarını möhtəşəm yürüşlə ifadə ediblər. Tərtər Rayon İcra Hakimiyyəti, Müdafiə Nazirliyi və Təxris Olunmuş Hərbçilərin Gəncləri Maarifləndirmə İctimai Birliyinin birgə təşkilatçılığı ilə keçirilən “Bayraq yürüşü”ndə minlərlə insan - hərbçilər, Qarabağ müharibəsi veteranları, gənclər, idmançılar, müəllim və şagirdlər, QHT və KİV nümayəndələri iştirak ediblər.
Beş min nəfərə yaxın insanın iştirak etdiyi yürüş Heydər Əliyev prospektindən Dövlət Bayrağı Meydanına qədər davam edib. Tədbir Azərbaycanın Dövlət Himninin oxunması ilə başlanıb.
Tərtər Rayon İcra Hakimiyyətinin başçısı Müstəqim Məmmədov tədbir iştirakçılarını bayram münasibəti ilə təbrik edib, Dövlət Bayrağı Gününün qeyd olunmasını dövlətçilik tariximizin əlamətdar hadisəsi kimi qiymətləndirib. Bildirib ki, üçrəngli bayrağımızın yüksəklərdə dalğalanması üçün xalqımız çətin, eyni zamanda, şanlı mübarizə yollarından keçib. Minlərlə Vətən övladının qanı bahasına başa gəlmiş bayrağımızın dövlət atributuna çevrilməsi, müstəqil Azırbaycanın səmalarında dalğalanması və dünya birliyi tərəfindən tanınması xalqımızın apardığı mücadilənin nəticəsidir.
Qeyd olunub ki, hər bir Azərbaycan vətəndaşı millət və dövlət kimi varlığımızın sübutu, atalarımızın əmanəti olan, uğrunda minlərlə Vətən övladının canından keçdiyi bayrağımızı sevir və onunla qürur duyur. Respublikamızın bütün bölgələrində olduğu kimi Tərtər şəhərində də bayraq meydanının inşa edilməsi və hazırda Bayraq muzeyinin tikintisi üçrəngli bayrağımıza olan sevgi və ehtiramın göstəricisidir. Meydanda 65 metr hündürlükdə dalğalanan bayrağımız cəbhə bölgəsində yaşayan tərtərlilərin qəlbini fərəh və qürur hissi ilə doldurur.
Hərbi birlik komandiri general-mayor Hikmət Həsənov, Təxris Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli, Azərbaycanın Milli Qəhrəmanı Vahid Quliyev çıxış edərək, milli atributlarımızın təbliği, gənclər arasında vətənpərvərlik hissi və milli-mənəvi dəyərlərin aşılanmasında tədbirin əhəmiyyətini yüksək qiymətləndiriblər. Çıxışlarda Azərbaycan Silahlı Qüvvələrinin son illərdəki nailiyyətlərindən, erməni işğalçılarının cəbhədə törətdiyi təxribatlara Azərbaycan ordusunun layiqli cavab verməsindən, xalqla ordunun monolit birliyindən danışılıb. Ali Baş komandanın qətiyyəti, Azərbaycan ordusunun qüdrəti sayəsində qürur mənbəyimiz olan üçrəngli bayrağımızın hazırda işğal altında olan torpaqlarımızda dalğalanacığına əminlik ifadə edilib.
Daha sonra əsgərlər döyüş hazırlığı səviyyəsini nümayiş etdiriblər. Tədbir konsert proqramı ilə davam edib. Vətənpərvərlik mahnılarının mahir ifaçısı Şəmistan Əlizamanlı, rayon Mədəniyyət Mərkəzinin kollektivi və məktəblilər Vətənə, bayrağımıza həsr olunan mahnı, şeir və rəqslər təqdim ediblər.
Həmin gün Dövlət Bayrağı Günü münasibətilə Tərtər rayonunda ağacəkmə aksiyası keçirilib. Tərtər-Şıxarx avtomobil yolunun kənarında 1200 ədəd Eldar şamı əkilib.

Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi
Tərtərlilərin dövlət bayrağına olan sevgisi




Twitter Facebook Myspace Stumbleupon Technorati blogger google
677 dəfə oxundu
 



XƏBƏR LENTİ
Loading...