59 yaşlı qadın canına qıymaq istədi
Ötən gün 59 yaşlı qadın intihara cəhd edib.
Bu barədə Oxu.Az-a hüquq-mühafizə orqanlarından məlumat verilib.
Bildirilib ki, hadisə dünən paytaxtın Xətai rayonu, Qaçaqnəbi küçəsində baş verib.
Belə ki, yataq xəstəsi olan 1960-cı il təvəllüdlü Cəmayəddinova Gövhər Qəbibullaxan qızı sirkə turşusu içərək özünü öldürmək istəyib.
Onu dərhal Respublika Toksikologiya Mərkəzinə aparıblar. Vəziyyətinin qənaətbəxş olduğu bildirilib.
Faktla bağlı araşdırma aparılır.
