“Terrorçuların mağarasından 13 günahsız Türkiyə vətəndaşının cəsədini aşkarladıq”
APA-nın yerli bürosunun xəbərinə görə, bu barədə Türkiyənin müdafiə naziri Hulusi Akar “Pençe Kartal-2” Hərəkatı haqqında açıqlama verərkən bildirib.
H.Akar deyib ki, TSK-nın hərbi əməliyyatları zamanı terrorçuların sığındığı mağaradan 13 günahsız Türkiyə vətəndaşının cəsədi də aşkarlanıb.
“Beləcə terrorçuların xain və qatil siması bir daha sübut edildi” deyə nazir bildirib.
Qeyd edək ki, Türkiyə Prezidentinin köməkçisi Fuad Oktay, Türkiyə PA-nın ictimaiyyətlə əlaqələr şöbəsinin rəisi Fəxrəddin Altun, Türkiyənin XİN başçısı Mövlud Çavuşoğlu və Azərbaycanın XİN başçısı Ceyhun Bayramov 13 Türkiyə vətəndaşının şəhid olması ilə əlaqədar başsağlığı veriblər.
