Bolqarıstan Azərbaycan qazı üçün alternativ kəmər çəkir
Ankara və Sofiya Azərbaycan qazının Bolqarıstana ixracı məqsədilə birləşdirici boru kəməri tikəcək. Trend-in Bolqarıstan mətbuatına istinadən verdiyi məlumataa görə, bunu Türkiyənin baş naziri Əhməd Davudoğlu Sofiyada bolqarıstanlı həmkarı Boyko Borisovla görüşdən sonra mətbuat konfransında deyib.
O bildirib: "Biz Bolqarıstanla Türkiyəni Azərbaycan qazının tədarük ediləcəyi qaz interkonnektoru ilə birləşdirmək qərarına gəldik".
B.Borisov deyib ki, Bolqarıstan, Türkiyə və Yunanıstan "Balkan" qaz qovşağı ilə yanaşı, istənilən istiqamətdə təbii qazın şaxələndirilməsi və nəqlinə xidmət edəcək interkonnektor tikmək qərarına gəldi.
