Zelenski Parisdə Trampa görün nə deyibmiş: Putin yalnız ondan qorxur və...
Publika.az xəbər verir ki, bu barədə o, "X" mikrobloqunda yazıb.
Zelenski Parisdəki görüşdə Ukraynada müharibəyə son qoymaq üzrə əməkdaşlığa diqqət ayrıldığını bildirib. Onun sözlərinə görə, amerikalı siyasətçi ilə söhbət məhsuldar olub və o, müharibəni ədalətli şəkildə bitirmək üçün onun “qətiyyətini” görüb.
Ukrayna prezidenti deyib ki, Amerika, Avropa və təhlükəsizliyə dəyər verən hər kəs bir olmalıdır. Ukrayna da möhkəm mövqelər və sülh zəmanəti almalıdır:
"Prezident Trampa dedim ki, Putin yalnız ondan və bəlkə də Çindən qorxur. Və bu doğrudur. Yalnız qətiyyət bu müharibəni ədalətli nəticəyə çatdıra və davamlı sülhü təmin edə bilər. Biz lazımi beynəlxalq asayişi bərpa etmək üçün indi hərəkətə keçməliyik".
Xatırladaq ki, dekabrın 7-də Yelisey sarayında Ukrayna, Fransa prezidentləri və Amerikanın seçilmiş liderinin üçtərəfli görüşü baş tutub. Danışıqlar təxminən 30 dəqiqə davam edib. Tramp daha sonra jurnalistlərə deyib ki, Vladimir Zelenski atəşkəs və müharibənin bitməsini istəyir.
