"Nəinki Odessanı, Odessa vasitəsilə Rusiyanı dəyişəcəyik" - Mixail Saakaşvili
“Odessa şəhəri və vilayətinin inkişafı nəinki regiondakı siyasi əhvalı, Rusiyanı da dəyişəcək”
Avropa.info xəbər verir ki, sabiq Gürcüstan prezidenti, Odessanın yeni qubernatoru Mixail Saakaşvili belə deyib. Saakaşvili:
“Odessa bir çox rusun mentalitetində, o cümlədən imperiya əhval-ruhiyyəli şəxslər tərəfindən tarixi irs kimi qəbul olunur.
Onlar üçün rus ruhunun, “rus dünyası”nın bir hissəsidir. Ruslar Odessada baş verən hər şeyə qarşı həssasdırlar. Əgər onlar odessalıların uğurlarını, regionun necə inkişaf etdiyini görsələr, bu Rusiyanın özünə nəhəng təsir göstərəcək”.
Saakaşvili deyir ki, ruslar bura öz keçmişləri kimi baxdıqlarından sarı-mavi Ukrayna bayrağının dalğalanması onlara ağır gəlir. Bu səbəbdən Poroşenkonun qərarı strateji qərar idi.
