ABŞ-ın yeni prezidenti Donald Tramp and içdi və dünyanı silkələyəcək çıxış etdi
“Röyalarımızı geri gətirəcəyik, radikal islamı dünya üzərindən yox edəcəyik”
Amerikanın yeni prezidenti Donald Tramp Vaşinqtonda möhtəşəm bir mərasimlə and içib, ABŞ-ın 45-ci prezidenti oldu. Musavat.com canlı yayın həyata keçirən dünya KİV-lərinə istinadən xəbər verir ki, Trampdan əvvəl onun köməkçisi Pence and içib.Trampın andiçmə mərasimindəki nitqi isə öz radikallığı və yeni mesajların bolluğu ilə seçilib. Hazırda dünyanın hər yerində bütün tv və başq kateqoriyadan olan KİV –lər bu çıxışı müzakirə edirlər. Tramp AB, prezidenti kimi fəaliyyətə başladığı ilk dəqiqələrdəcə dünyanı silkələyə bilib. Onun çıxışından bəzi məqamları verməklə bərabər, bildirirk ki, irəliləyən dəeieələrdə bu tarixi çıxışın tam mətnini azərbaycan türkcəsinə uyğunlaşdırıb, yayacağıq:
“Xalqa verilən sözləri tutma zamanıdır. Bu mərasimin mənası böyükdür. Bu gün yalnız idarəçilik transferi etmirik. İdarəçiliyi Vaşinqton DÇ-dən alıb, siz xalqa veririk. Uzun müddətdir ki, xalq bunun əziyyətini çəkdi, əvəzini ödədi. 20 yanvar 2017-ci il xalqın iqtidarının başladığı gün olaraq xatırlanacaq, unudulan insanların unudulmayacağı bir tarix olaraq qeydiyyata keçəcək. Amerikalılar gözəl məktəblər, etibarlı məhəllələr və yaxşı iş imkanları istəyirlər. Bunlar son dərəcə məntiqli tələblərdir. Bu gün içdiyim and bütün amerikalılara verdiyim bir bağlılıq andı, bağlılıq sözüdür. Onlarla il xarici industriya və orduları gücləndirdik. Artıq bu, keçmişdə qaldı. İndi hərəkətə keçmə zamanıdır. Sadəcə gələcəyə baxacağıq. ABŞ yenə qazanmağa başlayacaq. Daha öncə heç olmadığı qədər qazanmağa başlayacaq. Röyalarımızı geri gətirəcəyik. Radikal islamı dünya üzərindən yox edəcəyik. Heç kimə öz həyat tərzimizi diqtə etməyə çalışmırıq. Amma bir yerdə olmalıyıq. Yeni ittifaqlar yaradacağıq. Yeni bir ilin başındayıq. Kosmosun sirlərini açmağa və yeni texnologiyalara hazırlanırıq. İlk qaydamız bu olacaq: Amerikadan al, Amerikalı ilə et”.
Tramp eyni zamanda keçid dönəmində “zərif” dəstəklərinə görə Barak Obama və onun həyat yoldaşı Mişel Obamaya da təşəkkür edib.
