Latviyanın sabiq prezidenti: “Bakı vacib beynəlxalq forumların keçirilən şəhərə çevrilir”
“Bakı vacib beynəlxalq forumların keçirilən şəhərə çevrilir”. APA-nın məlumatına görə, bunu Latviyanın keçmiş prezidenti Valdis Zatlers deyib. Onun sözlərinə görə, bu kimi tədbirlər bu gün də keçirilir: “3 ildir keçirilən Bakı Humanitar Forumu region, o cümlədən dünya üçün çox vacibdir. Əgər 3 ildə belə bir inkişaf varsa, bu forum uzun illər davam edəcək. Mən Azərbaycan xalqını və Azərbaycan rəhbərliyini bu uğurlara imza atdıqları münasibəti ilə təbrik edirəm. Bunu təşkil etmək və beynəlxalq ictimaiyyətin diqqətini cəlb etmək o qədər asan deyil. Siz bunu edirsiniz və bu çox müvəffəqiyyətlə baş verir. Bakı siyasi müzakirələrin, o cümlədən humanitar müzakirələrin mərkəzinə çevrilib. Bu mənim arzum idi və bu reallaşdı. Mən ümid edirəm ki, bu uzun müddət davam edəcək”.
