İsrailin Azərbaycandakı səfirliyinin fəaliyyəti bərpa edilib

İsrailin Azərbaycandakı səfirliyinin fəaliyyəti bərpa edilib


İsrailin Azərbaycandakı səfirliyinin fəaliyyəti bərpa edilib. Bu barədə APA-ya səfirlikdən məlumat verilib.

Bildirilib ki, İsrailin dünyadakı digər səfirlikləri kimi, Azərbaycandakı səfirliyi də fəaliyyətini bərpa edib.

Qeyd olunub ki, İsrail Xarici İşlər və Maliyyə nazirlikləri arasında müzakirələr davam edəcək.

Xatırladaq ki, İsrailin Azərbaycandakı səfirliyi də daxil olmaqla, dünyadakı digər səfirlikləri bir neçə gün əvvəl tətil elan ediblər. Belə ki, bu ilin 21 iyulunda İsrail Maliyyə Nazirliyinin Baş direktoru tərəfindən imzalanan və on illiklərdir ki, mövcud olan protokolu dəyişdirən birtərəfli prosedurun tətbiq edilməsi səbəbindən diplomatik nümayəndəliklər müvəqqəti bağlanılıb.

Xatırladaq ki, İsrailin Kiyev, Toronto, Paris və Moskvadakı səfirlikləri, Sankt-Peterburqdakı konsulluğu da tətil elan edib. Hazırda İsrailin dünyanın 69 ölkəsində səfirliyi, 23 konsulluğu və beş xüsusi nümayəndəliyi var. İsrail hökuməti Xarici İşlər Nazirliyinin büdcəsini azaldaraq onlar üçün ildə təxminən 367 milyon dollar ayrılması barədə qərar qəbul edib.



Twitter Facebook Myspace Stumbleupon Technorati blogger google
495 dəfə oxundu
 



XƏBƏR LENTİ
Loading...