İlham Əliyev sultana məktub göndərdi
Azərbaycan Prezidenti İlham Əliyev Oman Sultanı Heysəm bin Tariq Əl Səidə təbrik məktubu ünvanlayıb.
Axar.az məktubun mətnini təqdim edir:
“Əlahəzrət,
Omanın yeni Sultanı elan olunmağınız münasibətilə Sizi səmimi qəlbdən təbrik edirəm.
Azərbaycan Respublikası ilə Oman Sultanlığını ənənəvi dostluq münasibətləri birləşdirir. İnanıram ki, möhkəm təməl üzərində qurulmuş əlaqələrimiz bundan sonra da müvəffəqiyyətlə inkişaf edəcəkdir.
Sizə möhkəm cansağlığı, xoşbəxtlik, dost Oman xalqının rifahı naminə qarşıdakı ali fəaliyyətinizdə uğurlar diləyirəm”.
