Türkiyə mediası Caviddən yazdı
Dünən baş tutan “Qəbələ”- “Apollon” oyununda yeganə qolun sahibi Cavid Hüseynovun meydanda Türkiyənin bayrağını qaldırması qardaş ölkənin mediasında maraqla qarşılanıb.
“Qafqazinfo” xəbər verir ki, ilk dəfə adını play-off mərhələsinə yazdıran “Qəbələ”nin dünənki oyununa Türkiyə mediasında geniş yer verilib. Bunun əsas səbəbi isə Cavid Hüseynovun oyundan sonra Türkiyə bayrağı ilə meydançada tur atması olub:
“Təxminən 15 min azarkeşin izlədiyi oyunda Türkiyə və Şimali Kipr Türk Respublikası (KKTC) lehinə şüarlar səslənib. Matçdakı tək qolun sahibi Hüseynov matç sonrasında Türkiyə və Azərbaycan bayraqları ilə tur atıb”.
