“Bakıda da “Vorskla”ya qalib gəlməli idik” - Qurban Qurbanov
"Futbolçularımı təbrik edirəm. Çox vacib qələbə qazandılar. Hər birinə minnətdaram”. Gundeminfo.az xəbər verir ki, bunu "Qarabağ”ın baş məşqçisi Qurban Qurbanov Avropa Liqasının qrup mərhələsinin IV turunda səfərdə Ukrayna "Vorskla"sını 1:0 hesabı ilə məğlub etdikləri oyundan sonra mətbuat konfransında deyib: "Vorskla”ya uğurlar arzulayıram. Bu gün konsentrasiya daha yaxşı idi, nəinki Bakıda. Orda da qalib gəlməli idik. Bu gün də bunu sübut etdik. Bakıda da meydana qələbə üçün çıxmışdıq, alınmadı. Burda isə istəyimizə nail olduq”.
