Tbilisidə cinsi azlıqların paradına icazə verilməyib
Gürcüstanın paytaxtı Tbilisidə LGBT nümayəndələrinin iyunun 18-23-də keçirmək istədikləri parada icazə verilməyib.
“Report”un yerli bürosu xəbər verir ki, bu barədə Gürcüstanın Daxili İşlər Nazirliyi (DİN) məlumat yayıb.
DİN-də “Tbilisi pride” təşkilatının nümayəndələri ilə keçirilən görüşdə paradın keçirilməsinin təhlükəsizlik baxımından mümkün olmadığı izah olunub.
Nazirlik cinsi azlıq nümayəndələrinə özlərini ifadə etmələri üçün digər təhlükəsiz və alternativ imkanlar təklif edib.
