Magistraturada oxumaq istəyənlər artıb, yoxsa azalıb? - AÇIQLAMA
Bu gündən magistraturaya sənəd qəbulu başlayır. Maraqlıdır, hazırda magistraturaya qəbul olunmaq istəyənlər əvvəlki illərə nisbətən artıb, yoxsa azalıb?
“Zirvə” kurslarının rəhbəri Rahib İbrahimov Modern.az-a mövzu ilə bağlı açıqlama verib.
"Son bir ildə təhsilə olan maraq daha da artıb. Həm ölkə daxilində, həm də xaricdə magistr təhsili alanların sayında artım müşahidə olunur. Artıq 5 ildir ki, bu tendensiya artmağa davam edir. Tələbələr arasında xaricdə magistr pilləsi üzrə təhsil almağa üstünlük verənlər də çoxalıb. Bu isə onların dünyagörüşlərinin artmasına, öz sahələrində peşəkar kadr kimi yetişmələrinə şərait yaradır".
