İstifadə üçün yararsız çimərliklər AÇIQLANDI
“May ayının 17-dən etibarən Ekologiya və Təbii Sərvətlər Nazirliyi (ETSN) Səhiyyə Nazirliyinin Gigiyeniya və Epdimologiya Mərkəzi ilə birlikdə Xəzər dənizinin çimərlik ərazilərində monitorinqlərə başlayıb”.
Gundeminfo.az-ın məlumatına görə, bunu ETSN-nin Xəzər Kompleks Ekoloji Monitorinq İdarəsinin rəis əvəzi Nazim Mahmudov bildirib.
O deyib ki, ilkin nəticələrə görə, Qaradağ rayonunda Sahil, Səbail rayonunda Şıx, Suraxanı rayonunda Hövsan, Xəzər rayonunda isə Türkan çimərliyində insanların çimməsi tövsiyə edilmir:
“Burada həddən artık çirklənmələr mövcuddur”.
N.Mahmudov əlavə edib ki, Novxanı qəsəbəsi, Sabunçu, Nardaran və Zağulba ərazisindəki çimərlik istifadəyə yararlıdır:
“Digər ərazilərdə isə monitorinqlər davam etdirilir”.
