Pfizer peyvəndi bədənin yara basmasına səbəb olur? – Həkim
"Herpes virusunun Pfizer peyvəndi ilə heç bir əlaqəsi yoxdur”.
Bunu Qaynarinfo-ya açıqlamasında həkim-infeksionist Namiq Nəbiyev Pfizer peyvəndindən sonra bədənini yara basan xəstənin səhhətindən danışarkən deyib. Virusoloq hesab edir ki, herpes tamam başqa bir virusdur:
"Herpes nədir? Adam isti havada çimir, kondisionerin altında oturur və soyuqlayır. Sonra həmin adam isti havaya çıxır, tərləyir, vəssalam, oldu herpes. Sonra onun dodaqlarında və bədənin müxtəlif yerlərində uçuqlar, nöqtə-nöqtə qırmızı yaralar əmələ gəlir, axşamlar üşütmə, titrətmələr əmələ gəlir. Görünür, həmin xəstənin bədənində bu virus əvvəldən olub”.
Qeyd edək ki, Bakıda koronavirusa qarşı Pfizer peyvəndinin ikinci dozasını vurduran 28 yaşlı oğlanın bədənini yara basıb. Ona müayinə zamanı herpes zoster diaqnozu qoyulub.
