Alış-veriş zamanı ala biləcəyiniz ƏDV məbləği artırılır - VİDEO

Alış-veriş zamanı ala biləcəyiniz ƏDV məbləği artırılır -
Nağdsız ödənişlər zamanı alıcılar ƏDV-nin 15%-ni, nağd alışlar zamanı isə 10%-ni geri alırlar. Ancaq vergilər məcəlləsinə təklif edilən yeni qaydalara əsasən nağdsız ödənişlər zamanı alıcıya geri qaytarılan ədv məbləği artırılacaq.

Gundeminfo.az xəbər verir ki, bu barədə “Xəzər Xəbər”in reportajında bildirilib. Bəs, görəsən, hər 100 manatlıq alışda nə qədər artımdan söhbət gedir?

Nağdsız ödənişlər zamanı alıcıya geri qaytarılacaq ƏDV faizi artırılır. Yəni gələcəkdə aldığınız malın ödənişini nağd deyil, nağdsız formada etsəniz, sizə daha çox ƏDV qaytarılacaq.

Bu təkliflər Vergi Məcəlləsinə dəyişiklikləri nəzərdə tutan paketdə öz əksini tapıb. Mövcud qaydalara görə, hazırda əlavə dəyər vergisinin müştəriyə qaytarılan hissəsi nağdsız qaydada ödənilən ƏDV-nin 15 faizini, nağd qaydada ödənilən ƏDV-nin isə 10 faizini təşkil edir.

Məsələn indi 100 manatlıq nağdsız edilən alışlar üçün əlavə dəyər vergisinin alıcıya qaytarılan məbləği 2 manat 28 qəpikdir. Ancaq yeni qaydalar qüvvəyə minərsə, bu zaman alıcı hər 100 manatlıq alış-veriş üçün 3 manat 5 qəpik ƏDV ala biləcək. Nağd ödənişlər zamanı isə 100 manatlıq alışda alıcıya 1 manat 52 qəpik ƏDV qaytarılır.
Yeni təkliflər qüvvəyə minərsə, nağd alış zamanı alıcıya cəmi 76 qəpik qaytarılacaq.

Bundan əlavə, təkliflərdə tibbi praktika ilə məşğul olan fiziki şəxslər tərəfindən göstərilən tibbi xidmətlərə görə ödənilən ƏDV-nin qaytarılması da nəzərdə tutulur.





Twitter Facebook Myspace Stumbleupon Technorati blogger google
428 dəfə oxundu
 



XƏBƏR LENTİ
Loading...