Qarabağdan gedən ermənilərlə bağlı AÇIQLAMA

Qarabağdan gedən ermənilərlə bağlı
Rusiya Federasiyası Qarabağ ermənilərinin bölgəyə təhlükəsiz qayıtmasına kömək etməyə hazırdır.

Musavat.com bildirir ki, bu barədə Rusiya XİN açıqlama yayıb.

TASS-ın məlumatına görə, rəsmi Moskva hüquq və təhlükəsizliyi lazımi qaydada təmin edilməklə, istəyənlərin geri qayıtmasına şərait yaradılmasının vacib olduğunu vurğulayıb. Erməni mediasının yaydığı məlumata görə, Rusiya Federasiyası xarici işlər nazirinin müavini Mixail Qaluzin yerli telekanala müsahibəsində bu məsələyə toxunub. Rusiya rəsmisi iddia edib ki, 2022-ci ildə Praqada Ermənistan tərəfi Qarabağı Azərbaycanın tərkib hissəsi kimi tanıyanda regionun erməni əhalisinin hüquq və təhlükəsizliyinin təmin edilməsi məsələsi həll olunmamışdı.

Qeyd edək ki, Azərbaycan dəfələrlə öz istəkləri ilə bölgəni tərk edən Qarabağ ermənilərinin təhlükəsiz qayıdışını təmin etməyə hazır olduğunu bildirib. Lakin rəsmi Bakının qayıdışla bağlı müraciət etməkdən ötrü açdığı portal Ermənistanda bloklanıb.



Twitter Facebook Myspace Stumbleupon Technorati blogger google
139 dəfə oxundu
 



XƏBƏR LENTİ
Loading...