Əsəd süqut etsə, Rusiya nələr itirəcək?
Axar.az xəbər verir ki, bu barədə "Teleqraf" nəşrinin hərbi yazarı David Axe bildirib.
O qeyd edib ki, üsyançılar artıq ölkənin ən böyük şəhəri Hələbi ələ keçirib və mühüm Həma şəhərinə yaxınlaşırlar:
"Əgər hökumət əleyhinə qüvvələr Həmanı ələ keçirə bilsələr, onların Aralıq dənizi sahillərinə - Rusiya donanmasının Aralıq dənizindəki yeganə bazasının yerləşdiyi Tartus liman şəhərinə - Latakiya bölgəsinə doğru hücum perspektivi olacaq.
Tartusu itirən Kreml çətin seçim qarşısında qala bilər: Ukraynada mübarizəni davam etdirmək və Aralıq dənizi regionunda təsirini itirmək, ya da Ukrayna ilə sülh bağlamaq və donanması üçün Türkiyə boğazlarını açmaq".
Qeyd edək ki, Moskva bu bazadan 1970-ci illərdən istifadə edir. 2017-ci ildə Rusiya və Suriya 49 illik müqavilə imzalayıblar ki, bu da Moskvaya Tartusa daha da geniş çıxış imkanı verir.
