Səs yazısı yayıldı, direktora şiddətli TÖHMƏT VERİLDİ
Bizim.Media xəbər verir ki, bu barədə Gəncə-Daşkəsən Regional Təhsil İdarəsinin yaydığı məlumatda deyilib.
Bildirilib ki, araşdırma nəticəsində ümumi təhsil müəssisəsinin fəaliyyətində bir sıra nöqsanlar aşkar edilib:
"Regional Təhsil İdarəsinin müvafiq əmrinə əsasən adıçəkilən təhsil müəssisəsinin direktoruna sonuncu xəbərdarlıqla şiddətli töhmət verilib".
"Gəncə-Daşkəsən Regional Təhsil İdarəsinə daxil olan valideyn və vətəndaş müraciətləri operativ şəkildə qeydiyyata alınır və həmin müraciətlər əsasında müvafiq yoxlama-nəzarət tədbirləri həyata keçirilir. Təhsil müəssisələrində valideynlərin əlavə tədris materialları almasına təşviq edilməsi, eləcə də müxtəlif sınaq imtahanları üçün məcburi şəkildə hər hansı vəsaitin toplanılması yolverilməzdir. Qeyd edirik ki, tədris prosesinin keyfiyyətinin artırılması və müəssisələrin fəaliyyətində şəffaflığın təmin edilməsi məqsədilə təhsil müəssisələrində sistemli və ardıcıl şəkildə yoxlama-nəzarət tədbirləri həyata keçirilir",- deyə məlumatda bildirilib.
Qeyd edək ki, sosial şəbəkələrdə yayılan səs yazısında adıçəkilən məktəbdə şagirdlərə məcburi sınaq imtahanı biletlərinin satışı ilə bağlı iddialar yayılıb.
