ADNSU-nun rektor əvəzi özü də tələbədir?
Son günlər sosial şəbəkələrdə yayılan məlumata görə, Azərbaycan Dövlət Neft və Sənaye Universitetini rektor əvəzi, ixtisasca filoloq olan Vazeh Əsgərov rəhbərlik etdiyi universitetdə həm də tələbədir.
Məsələnin nə dərəcədə doğru olması ilə bağlı universitetlə əlaqə saxladıq. ADNSU-nun mətbuat xidmətindən “Cebheinfo.az”-ın sorğusuna cavab olaraq bildirilib:
“Rektor nə bizim universitetdə, nə də hər hansı başqa ali təhsil ocağında təhsil alır. Yayılan məlumat həqiqətə uyğun deyil. Hazırda təhsil elektronlaşıb. İki toxunuşla da baxmaq olar ki, bu şəxs heç yerdə tələbə deyil”.
