Türkiyə təyyarəsi Rusiyada məcburi eniş etdi
Türkiyə aviaşirkətinə məxsus təyyarə Rusiyanın İrkutsk şəhərinin hava limanında məcburi eniş edib. Virtualaz.org Rusiya saytlarına istinadən bildirir ki, məlumatı aeroportdan veriblər: “İstanbul-Bişkək-Ulan Bator marşrutu ilə uçan təyyarə pis hava şəraitinə görə Ulan-Batorda qəbul edilmədiyindən İrkutskda məcburi eniş edib”.
Qeyd edək ki, əvvəlcə yayılan məlumatda içərisində 150 sərnişin olan və THY342 reysi ilə uçan “Boeing"in texniki nasazlıq səbəbindən məcburi eniş etdiyi bildirilmişdi.
