"Beşiktaş" Ermənistan millisinin oyunçusunu sıralarına qatdı
Türkiyənin «Beşiktaş» futbol klubu Moskvanın «Spartak» və Ermənistan milli komandalarının futbolçusu olan Aras Özbilizi tranfer etdiyini açıqlayıb. Virtualaz.org saytı HaberTürk-ə istinadla bildirir ki, beşiktaşlılar İstanbulda anadan olmuş bu futbolçunu çox ucuz qiymətə əldə ediblər. Transferin dəyəri açıqlanmır. O da əlavə olunur ki, Özbiliz «Beşiktaş»da forma geyməyəcək. Komanda onu Avropa klublarından birinə kirayə verməyi düşünür.
