Ukraynada “Coca-Сola” və “PepsiCo”ya qarşı cinayət işi açılıb
Şirkətlər Krım yarımadasını Rusiya ərazisi kimi göstərməkdə günahlandırılırlar. Ukrayna prokurorluğu “Coca-Сola” və “PepsiCo” şirkətlərinin əməkdaşlarına qarşı cinayət işi qaldırıb. Buna səbəb şirkətlərin Rusiya bölməsinin reklam rəsmində Krım yarımadasını Rusiya ərazisi kimi göstərməsi olub.
Virtualaz.org saytı TASS agentliyinin məlumatına əsasən xəbər verir ki, yanvarın əvvəlində baş vermis qalmaqalla əlaqədar “Coca-Сola” şirkətinin Ukrayna nümayəndəliyi xalqdan üzr istəyərək bildirmişdi ki, bunu onlardan xəbərsiz şirkətin Rusiya bölməsi edib. Mənbə əlavə edir ki, “PepsiCo” da öz reklamında Krımı Rusiya ərazisi kimi göstərmişdi.
