Polşalı nazir müavini: Aİ miqrasiya səbəbindən dağılmaq təhlükəsi ilə üz-üzədir
“Report” Rusiya KİV-ə istinadən xəbər verir ki, bunu Polşanın daxili işlər və administrasiya nazirinin müavini Matsey Duşik deyib.
“Əgər miqrasiyaya nəzarət edə bilməsək, Şengen zonası yox olmaq ilə üz-üzə qalacaq. Şengensiz isə Aİ-nin varlığı üçün daha az arqument olacaq. Müəyyən perspektivdə Aİ də dağıla bilər. Bu, yaxın 10-15 il üçün çox real ssenaridir”, - o deyib.
Duşikin sözlərinə görə, Aİ-nin bu yaxınlarda qəbul edilmiş miqrasiya paktına tezliklə düzəlişlər edilməsə, bəzi üzv dövlətlərin daxili sərhədlərində sərhəd nəzarəti tətbiq oluna bilər.
“Bu, Şengen zonasının ləğvi istiqamətində ilk addım ola bilər”, - o əlavə edib.
