ABŞ qonşumuzda 5 trilyonluq qaz tapdı
ABŞ-ın “Frontera Resos” şirkəti Gürcüstanda 5 trilyon kub metr həcmində qaz ehtiyatı aşkar edib. Axar.az xəbər verir ki, bunu Gürcüstan mətbuatına açıqlamasında şirkətin rəhbəri Stiv Nikandros söyləyib. Onun sözlərinə görə, Gürcüstanın qaz ixracını həyata keçirməsi üçün 5 il lazımdır. O bu qazın Türkiyə və Şərqi Avropaya ixrac ediləcəyini bildirib. Qeyd edək ki, bu şirkət keçən il Gürcüstanın qaz ehtiyatlarının 3,8 trilyon kub metr olacağını bəyan etmişdi. Hazırda Gürcüstan əsasən Azərbaycan və Rusiyadan qaz alır.
