“Ağıllı bir erməni olsaydı…”
Biz kürdçülük və ya türkçülük edə bilmərik. Hamısının yekununda faşizm, irqçilik var. Axar.az bildirir ki, bu sözləri PKK lideri Abdullah Öcalan deyib. 2013-cü ildə HDP-nın İmralıya gedən heyətinin onunla etdiyi söhbətdən sonra çap olunan “Demokratik qurtuluş və azad həyat” adlı kitabdan seçmələr mətbuatda tirajlanıb.
Öcalanın sözlərinə görə, millətçiliklə Orta Şərqdə dövlət qurula bilməz: “Erməni soyqırımına gedən yolda bu zəmini də daşnak millətçiliyi yetişdirdi. Ağıllı bir erməni olsaydı, bu hadisələr baş verməzdi”. PKK lideri dini mövzuda danışaraq Məhəmməd peyğəmbəri inqilabçı adlandırıb:
“Çox arvad alıb deyirlər. Amma bu çoxevlilik deyil, ortada qalmış qadınları yanına almaqdır. Bunu sırf intim münasibət kimi dəyərləndirmək səhvdir”.
