Rubl 2 ay sonra kəskin bahalaşdı
Rusiyada rublun məzənnəsi neftin bahalaşması fonunda dollar və avroya nisbətdə kəskin güclənib. Axar.az xəbər verir ki, bu gün Moskva birjasında 1 ABŞ dolları 1,27 rubl ucuzlaşaraq 73,92 rubl olub. Avro isə 1,44 rubl dəyər itirərək 80,40 rubla düşüb.
Bu, rublun avro və dollar qarşısında 2016-cı ilin yanvarın əvvəlindən bəri ən yüksək göstəricisidir. Qeyd edək ki, rublun güclənməsinə səbəb neftin bahalaşmasıdır. Bu gün “Brent” markalı neft bahalaşaraq 37,04 dollara yüksəlib.
