"Almaniya qaçqınlara görə kredit almayacaq" Merkel
Miqrasiya böhranına baxmayaraq, Almaniya balanslaşdırılmış büdcə siyasətini davam etdirəcək və yeni kreditlər almayacaq.
Virtualaz.org Qərb mətbuatına istinadən xəbər verir ki, bunu Almaniya Federativ Republikası hökumətinin başçısı Angela Merkel deyib.
Kanslerin fikrincə, getdikcə qocalan əhaliyə malik ölkə üçün yeni borcları olmayan büdcə daha məqsədəuyğundur.
«Biz sosial şəraitin yaxşılaşdırılması, pensiyaların artırılması və məhdud fiziki imkanlara malik insanların yenidən cəmiyyətə qaytarılması kimi layihələrlə məşğuluq», - Merkel belə deyib.
Avropa İttifaqının xarici sərhədlərinə nəzarət üzrə «Frontex» agentliyinin məlumatına görə, 2015-ci ildə Aİ 1,8 milyon qaçqın qəbul edib.
