Dağlıq Qarabağda daha bir erməni hərbçisi ölüb
Ermənistanın işğalı altında olan Azərbaycanın Dağlıq Qarabağ bölgəsində daha bir erməni hərbçisi ölüb.
"Report" Ermənistan KİV-inə istinadən xəbər verir ki, 1996-cı ildə anadan olan Martirosyan Armen Qrayroviç aldığı güllə yarasından ölüb.
Məlumata görə, Ermənistan Müdafiə Nazirliyi hadisənin baş vermə səbəbi araşdırır.
Qeyd edək ki, bəzi ekspertlər hesab edirlər ki, Ermənistan hakimiyyəti aprelin 2-5-də Dağlıq Qarabağda qoşunların təmas xəttində gedən döyüşlərdə ölən silahlılarının sayını gizlədib. Atəşkəs rejimi bərpa edildikdən sonra onları üzə çıxarmağa başlayıb.
