Türkiyədə terrorçularla atışmada 8 hərbçi şəhid olub
Mayın 13-də gecə saat 04.50 radələrində Türkiyənin Hakkari vilayətində həyata keçirilən antiterror əməliyyatı zamanı qardaş ölkə 8 şəhid verib.
Musavat.com bu barədə Türkiyə mediasına istinadən xəbər verir. Hakkarinin Çuxurca rayonunda baş verən şiddətlı qarşıdurmada türk ordusunun 6 əsgəri şəhid olub, daha 8 qəhrəman türk əsgərləri isə yaralanıb. Terrorçularla qarşıdurmadan təqribən 1 saat sonra bölgəyə göndərilən helikopter qəzaya uğrayıb və daha 2 əsgər şəhid olub. İlkin məlumatlarda helikopterin texniki nasazlıq səbəbindən düşdüyü barədə məlumatlar olsa da, araşdırmalar davam edir. Türkiyə mediası bir əməliyyatda Türkiyənin ilk dəfə bu qədər çox sayda itki verdiyi xəbərini verib.
Vəziyyətin gərginləşməsi səbəbindən F-16 təyyarələri və pilotsuz uçuş aparatlar havaya qaldırılıb. Davam edən əməliyyatlarda 6 terrorçu məhv edilib. Əməliyyatlar davam edir. Türkiyə Silahlı Qüvvələrinin Baş Qərargahı şəhid olan hərbçilərin ailələrinə başağlığı verib.
