Amerikalıların 61%-i hesab edir ki, ABŞ hörmətini itirir
«Pew Research» şirkətinin keçirdiyi sorğuda iştirak etmiş amerikalıların 61%-i hesab edir ki, ölkə əvvəlkinə nisbətən dünyada hörmətini itirib. Yalnız 14% amerikalı düşünür ki, ABŞ-ın başqa ölkələrdə hörməti yüksəlib.
Virtualaz.org «RİA Novosti»yə istinadən xəbər verir ki, sorğu iştirakçılarının 53%-i ABŞ-ın qüdrətinin azaldığını bildirib. Qeyd olunur ki, 2004-cü ildə bu göstərici cəmi 20% təşkil edirdi.
Bununla birlikdə fikri soruşulanların 72%-i əmindir ki, ABŞ dünyada aparıcı hərbi gücdür. 54% amerikalı isə hesab edir ki, onların ölkəsi aparıcı iqtisadi gücdür.
