Ermənistan hakimiyyəti Bako Saakyan haqda qərarını verdi
Ermənistan “DQR”in “prezident”i Bako Saakyanın 2020-ci ilədək öz vəzifəsində qala biləcəyi haqda siyasi qərar qəbul edib.
Avropa.info xəbər verir ki, bu barədə Ermənistanın “Joqovurd” qəzeti yazır. Məqalədə deyilir ki, Saakyanın prezident postunda vəzifə müddəti gələn ilin yayında bitir. Əgər “DQR” seçkilər keçirilsə, Saakyan bu seçkilərdə iştirak edə bilməyəcək.
Ancaq Ermənistan hakimiyyəti və “DQR” hesab edir ki, konstitusiya gələcəkdə dəyişdirilə bilər. Bundan əlavə separaçıların prezident idarəçiliyindən parlament idarəçiliyinə keçəcəyi düşünülür. Məqalə müəllifi yazır ki, bu nizam 2020-ci ildən sonra qüvvəyə minəcək.
