Rusiyada 26 türk iş adamı saxlanılıb
"Yuqaqro" beynəlxalq sərgidə iştirak etmək üçün Rusiyanın Krasnodar şəhərinə gələn 26 türk iş adamı polis tərəfindən saxlanılıb. Bu barədə Trend "Anadolu" agentliyinə istinadən məlumat verir.
Məlumata əsasən, türkiyəli sahibkarlar pasport yoxlama zamanı polis tərəfindən saxlanılıb.
Qeyd edək ki, Türkiyə Hərbi Hava Qüvvələrinin Rusiyaya məxsus "Su-24" qırıcı təyyarəsini vurmasından sonra iki ölkə arasında münasibətlər pisləşib.
