Güləş üzrə Avropa çempionatında daha bir bürünc
Latviyanın paytaxtı Riqada güləş üzrə Avropa çempionatı davam edir. Bu gün yunan-Roma güləşi üzrə 59, 66, 98 və 130 kq çəki dərəcələrində pəhləvanlar mübarizəyə qoşulub.
Trend-in məlumatında görə, 66 kq çəki dərəcəsində mübarizə aparan Kamran Məmmədov bürünc medal uğrunda görüşdə litvalı rəqibi Edqaras Ventskaitis üzərində 6:3 hesablı qələbə qazanıb.
Çempionatda sərbəst və qadın güləşi üzrə yarışlar başa çatıb. Yığmamızın üzvləri 2 qızıl, 2 gümüş və 2 bürünc medala sahib olub. Mariya Stadnik və Nataliya Sinişin qızıl, Cəbrayıl Həsənov və Aleksandr Qostiyev gümüş, Yuliya Ratkeviç və Hacı Əliyev bürünc medal qazanıb.
