Türkiyə Ukraynaya səyyar hərbi hospitallar və ləvazimatlar verib
Türkiyə Hərbi-Dəniz Qüvvələrinin gəmisi və Ukraynanın “Getman Saqadaçnıy” və “Balta” hərbi gəmilərinin Mərmərə dənizində keçirilən birgə hərbi təlimləri başa çatıb. APA-nın “Gazeta.ru”ya istinadən verdiyi xəbərə görə, bu barədə Ukrayna Müdafiə Nazirliyinin məlumatında bildirilir.
Məlumata görə, təlimlər zamanı gəmilər birgə manevr, məlumat mübadiləsi və hərəkətdə olarkən məlumatların və yüklərin biri-birilərinə ötürmək kimi elementləri sınaqdan keçiriblər. Bundan başqa, iki ölkənin dənizçiləri Türkiyə Hərbi-Dəniz Qüvvələrinin “Gölcük” hərbi-dəniz bazasında birgə tədbirlər həyata keçiriblər. Türkiyə tərəfinin verdiyi səyyar hərbi hospitallar və ləvazimatlar Ukrayna gəmiləri vasitəsilə ilə Odessa limanına gətirilərək aidiyyatı üzrə təhvil verilib.
