PKK-ya təlim keçən alman polkovnik oteldə ölü tapıldı - Alnından tək güllə vuruldu iddiası
Terror təşkilatı PKK-ya hərbi və logistik dəstək verməsi ilə tanınan Almaniya ordusunun polkovniki Ştefan Spöttel İraq Kürd Regional Rəhbərliyinin paytaxtı Ərbildə ölü tapılıb.
Avropa.info xəbər verir ki, İraq Kürdüstanı səlahiyyətliləri tərəfindən edilən açıqlamada, kürd peşmergələrinə təhsil vermək bəhanəsi ilə Ərbildə yerləşən alman Pplkovnik Ştefan Spöttelin çərşənbə günü qaldığı otel otağında ölü tapıldığı bildirilib. Ancaq açıqlamada Spöttelin ölüm səbəbi açıqlanmayıb. Alman ordusu da Spöttelin ölümünü təsdiqləyib, lakin hadisənin intihar və ya qətl olmadığı bildirilib. Bəzi iddialara görə isə, Spöttel alnından tək gülləylə vurularaq öldürülüb. Qeyd edək ki, Ştefan Spöttelin adı PKK-çılara hərbi təlim keçməkdə də hallandırılırdı.
