Dünyanın ən çox silah alan ölkələri -
Dünyanın müxtəlif bölgələrindəki hərbi münaqişələr İngiltərə və ABŞ-ın silah şirkətlərini fantastik dərəcədə zənginləşdirib.
İngiltərə son beş ildə silah satışından 32 milyard dollarlıq gəlir əldə edib. Bunu Mərkəzi Londonda yerləşən “Silah Ticarəti Əleyhinə Kampaniya” adlı qeyri-hökumət təşkilatı bildirib. Sənəddə bildirilir ki, İngiltərə 2010-cu ilin may ayından 2015-ci ilin iyun ayına qədər bütün dünyaya təxminən 32 milyard dollarlıq silah ixrac edib. Təşkilatın sözçüsü Endryu Smitin fikrincə, İngiltərə xarici siyasətində səmimi deyil: “Hökumət insan haqlarından danışır, amma dünyanın müxtəlif bölgələrində insan haqlarını pozanları silahlandırır”.
Təşkilatın hazırladığı sənəddə ən çox silah satan ABŞ şirkətlərinin də adları çəkilir. Bunlar “Northrop Grumman” , “Lockheed Martin”, “Raytheon” , “ Boeing” və “General Dynamics” şirkətləridir.
AzVision.az modern.az-a istinadən Yaxın Şərq və Şimali Afrika ölkələrinə edilən silah ixracının 2010-cu ilin may ayından 2015-ci ilin iyun ayına qədər olan siyahısını təqdim edir:
Liviya - 35 milyon funt-sterlinq
İsrail - 56 milyon funt-sterlinq
Misir - 128 milyon funt-sterlinq
Küveyt - 59 milyon funt-sterlinq
Pakistan - 117 milyon funt-sterlinq
Nigeriya - 80 milyon funt-sterlinq
Səudiyyə Ərəbistanı - 5,6 milyard funt-sterlinq
Birləşmiş Ərəb Əmirlikləri - 338 milyon funt-sterlinq
Yəmən - 948 milyon funt-sterlinq
Bəhreyn - 36 milyon funt-sterlinq
Qətər - 117 milyon funt-sterlinq
Əlcəzair - 280 milyon funt-sterlinq
