5 yaşlı azərbaycanlı uşaq Kərbəlada dünyasını dəyişdi
Masallı rayonunun Ərkivan qəsəbə sakini, 5 yaşlı Zəhra ailəsi ilə birlikdə Kərbəlada olarkən 60 dərəcə istidə günvurmadan (bəzi məlumatlara görə zəhərlənmədən) dünyasını dəyişib və orada da dəfn edilib. Bu barədə məlumatı Masallıda çıxan “Cənub xəbərləri” qəzetinin baş redaktoru Zahir Əmənov sosial şəbəkədə yayıb.
Z.Əmənovun verdiyi məlumata görə, balaca Zəhranın atası Habil Rəhimov Suriyada dini təhsil alırmış. Suriyadakı məlum hadisələrdən sonra o, təhsilini Nəcəf şəhərində davam etdirməli olub. Bu səfər də Habilin dövlət imtahanı verməsi ilə bağlı imiş…
Rəhmətə gedən Zəhra onun 3 uşağından biri-ortancılı olub. Valideynlərinin verdiyi məlumata görə, onun daha bir uşağı orada ağır xəstələnib.
