Zərdabda şagirdinə qarşı iyrənc hərəkətdə təqsirləndirilən direktor həbs edildi
Zərdab rayonu Şahhüseynli kənd orta məktəbinin direktoru həbs olunub
Lent.az-ın məlumatına görə, orta məktəbə rəhbərlik edən 1984-cü il təvəllüdlü Ceyhun Tofiqli barəsində Cinayət Məcəlləsinin 150-ci maddəsi ilə başlanmış işlə bağlı məhkəmə tərəfindən həbs edilib. O, orta məktəbdə bir şagirdinə qarşı seksual xarakterli hərəkətlər törətməkdə ittiham olunur. Bildirilir ki, şagirdlərdən birinin valideynləri bir müddət əvvəl hüquq-mühafizə orqanlarına C.Tofiqlinin əməli barədə məlumat veriblər.
C.Tofiqli barəsində Zərdab rayon Prokurorluğunda başlanmış cinayət işinin istintaqı davam etdirilir, zəruri ekspertizalar təyin edilib. Qeyd edək ki, hadisə barədə ilk olaraq avropa.info saytı xəbər yayıb.
