25 min dollara Milli Məclisə "işçi düzəldənə" hökm oxundu
Bakıda vətəndaşı Milli Məclisdə işə düzəldəcəyini deyərək dələduzluq etməkdə təqsirləndirilən Fərasət Dəyyanovun cinayət işi üzrə məhkəmə prosesi başa çatıb. Lent.az-ın məlumatına görə, Bakı Ağır Cinayətlər Məhkəməsində hakim Rahib Salmanovun sədrliyi ilə keçirilən prosesdə hökm oxunub. Hakimlər kollegiyasının hökmü ilə F. Dəyyanov 8 il, 6 ay müddətinə azadlıqdan məhrum edilib.
Qeyd edək ki, F. Dəyyanov zərərçəkən İsmayıl Quliyevin etibarından sui-istifadə edərək, onu, Milli Məclisin Aparatında hüquqşünas vəzifəsinə düzəldəcəyini deyərək, 25 min ABŞ dolları məbləğində pulunu mənimsəyib.
