Atası: “Kəramət Böyükçöllə görüşmək üçün israr edirəm, icazə vermirlər”
Bunu Pravda.az-a açıqlamasında Respublika Narkoloji Mərkəzində müalicə alan yazıçı Kəramət Böyükçölün atası şair Qəşəm Nəcəfzadə deyib.
Yazıçının atası bildirib ki, ailəsi Kəramətlə nə görüşür, nə də danışa bilirlər: “Deyirlər, burada qayda belədir. Sadəcə olaraq, yemək, su, geyim kimi lazım olan şeyləri aparıb təhvil veririk. Narkoloji Mərkəzdə psixoloq da var, bu faktorları niyə fikirləşmirlər?! Dünyanın harasında belə müalicə üsulu var?! Evə nə vaxt buraxılacağı barədə də heç nə demirlər, bildirirlər ki, müalicə işinə mane olmayın. Əksinə, ata-ana ilə əlaqə saxlamaq, azyaşlı uşaqlarının səsini eşitmək onun üçün dəstək olar. İndi, yəqin, orda ürəyi partlayır, axı yazıçıdır, həssas uşaqdır”.
